感人至深小故事

兩年前的聖誕節，我們收到一罐曲奇餅，那個罐是一個直立式的薑餅人，餅吃完了但罐就留了下來，放在一旁被我們遺忘了。上年年底，終於有機會棄掉家中雜物，這個罐就這樣再次出現。因為那刻臨近聖誕，我們打算過了聖誕節才處理它。

昨天我打算掉這個罐時，小哲叫我不要掉。我和小哲說，我們不能什麼也留下，要懂得選擇及取捨，即是如果我們要留一件東西，有可能要放棄另一件東西。


我：咁你可能唔要另一樣玩具先可以留低薑餅人喎？

小哲苦惱了一會，決定放棄姨媽剛剛在早兩天送給他的生日禮物，一盒桌上遊戲。

我：但呢個係姨媽啱啱送比你的生日禮物喎？

小哲：但我真係唔想放棄薑餅人…

然後，他哭了。

我：呢盒玩具你可以玩，但薑餅人無得玩喎，佢只可以就咁放係度，你真係要薑餅人都唔要玩具？

小哲：咁收埋薑餅人係我房啦

我：咁所有用唔到的都收埋，我們無地方用喎，我地要盡量留低有用的物品

小哲：薑餅人真係好多顏色好可愛，朝早我去你地房，我有同佢握手呀！我唔捨得薑餅人…

小哲感動了我們，和小哲商量後，薑餅人將會成為他的錢罌，當然他也不用放棄那盒遊戲。